quand les école primaires seront connectés a l'internet???

تعودت القروان باش اتكون ديمة آخر ولاية في كل حاجة نافعة لسكانها، و هذا موش من الحاكم إلي كيف يقول و يصرف الفلوس باش المدارس تتجهز بالحاسوب... ما نشريوش حواسيب باش نكتبو بيه مراسلة ، ومن بعد نلعبو بيه الكارطة، الحاسوب ماهوش آلة كاتبة كيف آلة الطباعة متاع قبل، الحاسوب هو أساسا للأنترنات، إلّى اخترعوه ماستعملوشي باش يكتبو بيه نصوص فقط... لكن من سوء حظنا أنو بعض المسؤولين و خاصة إلّى اتجي للقروان، اتقول عليهم قارين على فرد مدّب... كل ماهو حديث و تكنولوجيا هوما ضدو.. و يتصرفوا كاينهم في ديارهم، مع أني مقتنعة إلّى أغلبيتهم عاملين الأنترنات لصغارهم
بالله واحد منكم يسألهم كيفاش يسمحوا لرواحهم باش يحطوا تجهيزات بالملايين في مكان للغبابر و الندوا و من بعد يصرفوا مئات الدنانير لتصليح آثار الندوة و الغبابر، و يرفض تمكين التلامذة من استعمال الكمبيوتر بحجة خايف لا يفسدوه... انقول في الكلام هذا عن معرفة بالشيء
ثم يسألوهم، علاش الدولة قالتلهم دخلوا الأنترنات و هوما شادين صحيح باش ما يطبقوش توجهات الدولة
ثم يسألوهم كيفاش باش يطلعوا جيل مواكب العولمة و التكنولوجيا و عالم الأنترنات و هوما ماهم اموفرين ما يلزم لهذا
ثم يقولولهم يزّيوا من الأنانية و الجهل و البغض حاشاكم
ثم يقولولهم راهو شعار تونس هو تونس أولا
أيا يزيني

راهي حكمة كل بلاد تخدمها رجالها( ونساها) ماهياش غالطة يا فارس، كان جاوا القراوة يعطيوا قيمة لرواحهم بالفعل موش بسرد تاريخ جدودهم، راهو كل مسؤول يجيهم يعطيهم قيمتهم، و يعمل الأنترنات في المدارس و المعاهد و الجامعات... ى
كان جات القروان فيها محلات كثيرة متاع أنترنات و تبدى امعبية بالشباب و الشياب كيف الموجودين في حومتي، راهم المسؤولين يقتنعوا بلّى الأنترنات لازمها تتوجد في المدارس، و كان ما يعملهاش ، ممكن التلامذة والأولياء و كبارات البلاد يتقلقوا و يطالبو السيد المدير بتوفير الأنترنات للتلامذة خاصة وأنو فلوسها وفرتها الوزارة ...ى
ولّا بالكشي فمّا أشكون قال حرام الأنترنات؟؟؟ ماهو توا الفكر السلفي و المتخلّف اتنجّم تفيق بيه في حاجات كيف هذه