la Tunisie est en premier lieu

تونس أوّلا
الشعار هذا من أجمل و أعظم الشعارات إلّى كل انسان يحب رفعة وازدهار تونسنا ، يلزمز يفهم آش معناه
خليونا كل واحد يعطي جملة ولا أكثر ، يقوللنا كيفاش انطبقوا الشعار هذا: تونس أوّلا
نعرف باش اتقولولي : يا انسانا راك ميثالية و تحلم برشا، لكن ميسالش قولوا آش اتحبوا و جاوبوني

شعار تونس أولا: يعني بالنسبة ليا الوطنية:
و الخيانة و الأنانية هوما عكس الوطنية... الخيانة اتنجّم اتكون لحساب طرف أجنبي ضد المصلحة العليا للبلاد، كيف ماتنجّم اتكون لحساب شخصي ضد مصلحة البلاد و تقدّمها...
هل يمكن اعتبار شخص عندو وطنية و يعمل بشعار تونس أولا؟ لمّا يعرقلة مشروع صغير أو كبير، باش يوفّر بيه موارد رزق لبعض العايلات ،؟
هل يمكن اعتبار شخص لا يقوم بأي خطوة إلّا لمصلحة ما، بكونه يطبّق شعار تونس أولا؟
هل يمكن اعتبار من يعمل لترسيخ عقلية متخلفة ، بالإنسان الوطني؟

هل يمكن لمن يقضيفي أشوارو من خلال تحملو لمسؤولية ما يفكر في شعار تونس أولا؟ هل يمكن لمسؤول يتراخى عن مراقبة منظوريه أو مشاريع في نطاق سلطاتو له بعد وطني؟ هذا الشعار لا بد من أفعال تحميه أولا

نعم يا فارس الأفعال والأفعال النافعة للبلاد، والأخلاقيات النافعة للبلاد، هوما وحدهم الضمان الوحيد للوطنية و شعار تونس أوّلا
وبالنسبة ليا أهم حاجة يلزمها تتوجد هي الناس القدوة ولّى تنجّم اتفرّق بين الإنتهازيين و الطموحين
الفرق بين الإنتهازي و الطموح فرق كبير بين السماء و الأرض، الإنتهازي هو إلّى يستغل كل شيء لمصلحتو الشخصية على حساب البلاد والعباد... لكن الطموح هو من يطمح لوصول غاياتو بالإعتماد على مقدرتو ومِؤهلاته في العمل
الإنتهازي هو إلّى ياخذ من غير ما يعطي، والطموح هو إلّى يعطي قبل ما ياخذ
هل تظنون حقا أن بالعقلية الموجودة متاع هات شاشيتك هات سباطك، و روحي روحي، واخطى راسي واظرب، باش انجموا نطبقوا شعار تونس أوّلا؟ هل يمكن أن نصدّق أن الحس الوطني ينجم يتغرس بسهولة في العقلية هذه؟
لذا يلزم يكون العمل على العقلية باش نوصلو للحكمة :خادم القوم سيدهم
و ربي معانا و مع مستقبل بلادنا