wadja79
Nombre de messages : 814 Age : 45 Localisation : La Marsa Humeur : hamdoullah Loisirs : Lecture, Sport Date d'inscription : 02/09/2009
| Sujet: Wajih ALOUINI et la JSK...Dons de voyance?? Dim 28 Nov - 1:40 | |
| | |
|
wadja79
Nombre de messages : 814 Age : 45 Localisation : La Marsa Humeur : hamdoullah Loisirs : Lecture, Sport Date d'inscription : 02/09/2009
| Sujet: Re: Wajih ALOUINI et la JSK...Dons de voyance?? Dim 28 Nov - 1:52 | |
| الملخص، بالدارجة، و يمكن ما يكونش مطابق 100% للمقال متاع وجيه العلويني و لكن حاولت باش يعكس روح المقال. و بكل صراحة و والله من غير رمي ورود و لا لغة خشبية، ما أحوج الشبيبة لناس تخمم بالطريقة العقلانية هاذي من غير "ضربان لغة" إلي قتلونا بيها سنين و سنين و الصحيح ربي يجيبو
الجزء الأول من مقال وجيه العلويني
إذا كان دور رئيس جمعية رياضية في ظل العقليات الحالية، وهي شئنا أم أبينا عقليات مجتمعات العالم الثالث، هو دور البطل المغوار و الفاتق الناطق و الملك المعظم، فإن الأمور تصبح ضبابية حين نتحدّث عن مهام المدير الرياضي في الجمعية ثم تزداد الضبابية حين نتحدث عن قسم إداري مع تواجد سكرتير عام.
في العلوم الحديثة و خاصة علوم التخطيط، من الممكن استقراء المستقبل عبر دراسة الماضي بحيث يصبح من السهل نسبيا توقع ما يمكن أن يحدث في الأيام و الأشهر أو حتى السنوات القادمة في بعض الحالات. و إذا أردنا تطبيق هذه التقنية على واقه الشبيبة فإن الأمر يصبح على الصورة التالية: عبد الحميد الكيلاني، يمكن اعتباره نوعا ما المستشار الأول لرئيس الجمعية. المشكل هو أن الاضطلاع بهذا الدور في غاية الصعوبة في وقت ينتظر فيه الجميع أن يكون المدير الرياضي قادرا على وضع استراتيجية عمل واضحة. إلا أنه مع إلقاء نظرة على هذه المعطيات و مع استرجاع تاريخ الشبيبة الغير مشجع في كل ما يخص تقاسم الأدوار و الشفافية في التسيير، يمكن القول منذ الآن أن العلاقة بين الكيلاني و فاتح العلويني ستسوء حتى و إن كانت طيبة و حميمية في الظاهر
الهواية مقابل الاحتراف
جمعياتنا الرياضية، حيث كرة القدم هي الطاغية، بعيدة كل البعد عن قواعد التسيير الصحيحة و العلمية. كيفاش نحكيو على احتراف في حين أنّ الميزانية هي أصلا غير محددة و غير مضبوطة؟ كيفاه نحكيو على جمعية محترفة في حين أن لا وجود لمارد قارة؟ كيفاه انجمو نحكيو على خلاص مستحقات و جلب أحباء مع طريقة عمل كيف هاذي؟
في الوقت الحالي ما فماش حاجة تقول إلي المسؤولين عندهم استعداد باش يبدّلو طريقة العمل متاعهم و ما فماش حاجة تقول إلي هوما باش يختارو طريق الشفافية!!! و لذا، و معع محيط و جو كيما هذا، زايد نحكيو على استراتيجية أو تقاسم أدوار. و هانا نشوفو الناس الكل كيفاه فما في عوض ناطق رسمي، عشرين ناطق رسمي و كيفاه تتضارب التصريحات بين الناطق الرسمي و بين رئيس الجمعية، و بين الناطق الرسمي و رئيس الجمعية و "ناطقين رسميين" أخرين ما تعرفشي كيفاش و وقتاش يطلعو!!!
و نفس "الشكشوكة" نلقاوها في الجانب الإداري. ماتفهمشي، هل أن الشؤون الإدارية هي من مشمولات السكرتير العام الجمعية إلي وقع تقليص صلاحياته إلى مجرد سكرتير عادي أم هي من مشمولات مدير رياضي (و إلي هو في نفس الوقت مدير إداري)وقع تحويله إلى سكرتير عام؟ ثم هل أن رئيس الجمعية هو نفسه أمين المال؟ و وقتها آش قعد لأمين المال و علاش نجيبو فيه إذا كان الدور متاعو باش يقتصر على التصحيح في أوراق و مستندات من غير التصرف في الخزينة؟؟
و هذاكا علاه نبّهنا في عدة مرات و مازلنا انبهو إلي يلزم ضبط احتياجات الجمعية بدقة في ما يخص الموارد البشرية و يلزم تحديد، كتابيا، مهام كل واحد من المتدخلين. و على حسب علمي، هذا كان البرنامج الانتخابي للرئيس الحالي للجمعية قبل أن يقع تنصيبه.
يتبع
| |
|
wadja79
Nombre de messages : 814 Age : 45 Localisation : La Marsa Humeur : hamdoullah Loisirs : Lecture, Sport Date d'inscription : 02/09/2009
| Sujet: Re: Wajih ALOUINI et la JSK...Dons de voyance?? Dim 28 Nov - 1:57 | |
| الجزء الثاني من مقال وجيه العلويني
رئيس جمعية حوكي و حرايري أو تقاسم الأدوار
فما تحسنات بطيئة صارت في الموسم الفارط و لكن إصرار رئيس الجمعية على الاضطلاع بمهام عديدة و متعددة في نفس الوقت ما تنجم تؤدي إلا لتوقف هذه الإصلاحات و تعطيل الجمعية. في حين أن الحل ساهل و موجود: وضع ميثاق للتصرف السليم. و راهو ما جبناش الصيد من وذنو. هذا ميثاق موجود في عديد الجمعيات في تونس و أثبت النجاعة متاعو. معناها ما فيهاش علم اللدنّي. ما علينا كان نقتبسوه و نردّوه يتأقلم مع خصوصيات و إمكانيات الجمعية. الهدف هو الوصول لاستقرار في التسيير بقطع النظر عن تعاقب الهيئات المديرة على خاطر الهيكلة و طرق العمل موجودين. كيما الإدارة أو المؤسسة إلي ما تلقى حى مشكل في مواصلة العمل حتى مع تغيير المدير المسؤول. تراه، تنجموش تقولولي شنوة باش يخلي فاتح العلويني للشبيبة بعد ما يكمل المدة متاعو أو إذا قرر باش ينسحب من رئاسة الفريق لسبب أو لآخر؟
الحل، حسب رأيي المتواضع، يكمن في جلب 2 أو 3 مختصين في علوم الإدارة و يكونو موظفين قارين في الجمعية و موش مربوطين بالهيئة. وقتها بالحق انجمو نطمحو لتحقيق أهداف الجمعية على المدى المتوسط و الطويل عوضا عن التخبط في الأزمات اليومية إلي ما تخليش الوقت لرئيس الجمعية باش يتلها بما هو أهم و أصلح للنادي
من ناحية أخرى، دور المدير الرياضي هو أن يكون حلقة الوصل بين الإدارة و الملعب. في حين أن رئيس الجمعية يلعب هو زادة الدور هذا. كيف كيف، المدير الرياضي يلزمو يكون مشارك في البرامج إلي يسطّروها المدربين. إيجا شوف الشبيبة : تلقى رئيس الجمعية داخل هو زادة في الحكاية!!! عدم الوضوح في تقاسم الأدوار و تداخل المسؤوليات ما ينجم يوصّل كان للصّدام إلي باش يؤثّر سلبا على مسيرة الجمعية و على النتائج. و لذا شهر العسل إلي موجود حاليا بين عبد الحميد الكيلاني و فاتح العلويني ما ينجمش يتواصل برشة و من الأحسن تحديد الأدوار و المسؤوليات منذ الآن قبل وقوع المحظور
الطاقات القيروانية و التواضع
من اللازم الفهم أن النجاح في تسيير نادي رياضي يستوجب مجموعة من المعايير للنجاح. ماعادش انجمو نخدمو كيما قبل. توة يلزم نعرفو شكون يعمل شنوة؟ وقتاش؟ و كيفاش؟ و وين نحبو نوصلو؟ إذا كان ماناش قادرين على إيجاد أجوبة للتساؤلات هاذي باش تقعد الشبيبة جمعية صغيرة ما تستنّى منها كان النتائج المتواضعة
المشكل إلي الطاقات موجودة بكثرة في القيروان. الناس إلي قادرين باش يخليو النادي إلي يمثل ولاية فيها قرابة 600 ألف ساكن، يكون نادي في وضعية خير من الوضعية إلي عرفها مدة السنوات العديدة الماضية. لكن باش النقلة النوعية هاذي تصير يلزم المسؤولين الكبار يفهمو و يقتنعو إلي راهم موش الوحيدين إلي عندهم مفاتيح النجاح. يلزم يكونو متواضعين بعض الشيء و يشوفو الأخطاء إلي تم ارتكابها و يشركوا غيرهم في إيجاد الحلول
في الوقت الراهن، و نحكيو بكل صراحة، الشبيبة ضعيفة و ما عندهاش الجهد باش تقاوم الضغط متاع الشارع، متاع الجمهور أو وسائل الإعلام. الخدمة الحالية خدمة متاع "تسليك" أمور و موش متاع تسيير منهجي. الخدمة الحالية متاع "كل نهار و قسمو" و "يا من عاش لغدوة" و موش بالطريقة هاذي إلي الأمور باش تتحسن. و موش بالطريقة هاذي إلي الشبيبة باش تولّي جمعية كبيرة.
اليوم، التحدي الكبير هو كيفاه تولي الجمعية مؤسسة بأتم معنى الكلمة؟ بلغة أخرى ماعادش من المقبول باش الجمعية تقعد مربوطة بالزهر و الحظ و كرة ضربت على العارضة و ما دخلتشي و حكم ما زفرلناش ضربة جزاء. ما عادش من المقبول باش الجمعية تقعد مربوطة بالأسامي و الأشخاص. يلزم الجمعية تتحول إلى مؤسسة عصرية أكبر و أبقى من المسيرين. مؤسسة لها أهدافها و استراتيجياتها كيما نشوفو في المؤسسات الاقتصادية إلي ما تتأثرش كيف ياقع تغيير على مستوى المسيرين. | |
|
Contenu sponsorisé
| Sujet: Re: Wajih ALOUINI et la JSK...Dons de voyance?? | |
| |
|