السلام عليكم،
من غير ما نطوّلوها و هي قصيرة. الأحباء الكل متاع الشبيبة في بالهم إلي فما جلسة تعملت مؤخرا في البلدية باش يناقشو فيها حكاية العشب "العجيب" متاع ملاعب المدينة و خاصة ملعب حمدة العواني. ياخي، و الله أعلم، ولات فيها عملية تصفية حسابات ضدّ بعض الناس إلي انتقدت مستوى الصيانة مما استوجب تدخل السيد الوالي سي ياسين بربوش. و لذا نستسمحكم بعد إذنكم باش نرجعو لحكاية "العشب العجيب" متاع مدينة القيروان إلي، سبحان الله، ماحبّش ينبت، و إلي هو أصل الاجتماع إلي صار في البلدية و إلي تسبب في الخلاف. باش ما نطولشي عليكم، باش نعطيكم كيفاه صارت حكاية "العشب العجيب" في القيروان من أفواه المسؤولين على الصيانة متاعو معناها البلدية. و هكاكة ما يقول حتى واحد، هذا كلام موش صحيح و مغالطات و حسد و كره دفين و هات من هاك الكلام إلي من كثر ما تقال و تعاود ولّات الناس تضحك كي تسمعو.
هيا سيدي بن سيدي نبداو:
الحلقة الأولى : 15 أوت 2009 ـ مقال في الكا.سي.بيشيخ المدينة سي مصطفى الحسين يحكي على الحالة المتدهورة للعشب و يقول إلي
الحرارة من الأسباب في الوصول إلى هذه الحالة (على حد علمي السخانة و الشهيلي في القيروان موجودين منذ قديم الأزل و حالة الميادين متاعنا في القيروان عمرها ما وصلت للوضعية المخجلة التي هي عليها الآن) و قال أنه بصدد إعداد طلب عروض لاختيار المقاول و أن هذا المشروع يحضى
بالأولوية من طرف الوالي ياسين بربوش (كي العادة، عنا مشكلة في القيروان مع تحديد مفهوم كلمات مثل : أولوية ـ في القريب العاجل ـ في طور الإنجاز ـ السرعة القصوى..إلخ..إلخ) و بأنّ
الرئيس آذن بميزانية تقدّر ب2.700.000 دينار لإعادة تهيئة الملعب (مرة أخرى مشروع رئاسي في القيروان يقع التأخير في إنجازه. ما تفهمشي علاه). و الباقي متاع الحوار في الرابط التالي
http://kcb.kairouan-tn.net/index.php?option=com_content&view=article&id=1286:2009-08-14-23-34-31&catid=80:jsk&Itemid=156&lang=frالحلقة الثانية : 23 أفريل 2010 ـ مقال للصحفي رضا النهاري حول المشاريع الرياضية في ولاية القيروان. و وقع التطرق لحكاية العشب مرة أخرى
اما المسالة الثانية التي لاتقل اهمية عن سابقتها فهي تتصل بالمركب الرياضي حمدة العواني الغير بعيد من المركب الشبابي وموعد انطلاق اشغال توسعة المدارج وتعشيب الملاعب الفرعية والسبورة اللامعة وبعض التجهيزات الرياضية الاخرى...، فقد تم تاكيد انطلاق اشغال تعشيب الملعبين الفرعيين وانارتهما ومن المتظر ان تنتهي الاشغال في منتصف شهر ماي القادم
https://kairouan.forumsrpg.com/montada-f6/topic-t2572.htm الحلقة الثالثة : مقال آخر في الكا.سي.بي بعنوان: عشب حمدة العواني بالقيروان: أنا مريض، سيدي الواليو رجعنا نحكيو على
الحرارة مرة أخرى و على ضغط الرزنامة (تقريبا نفس الكلام إلي تقال عام قبل). معناها في ظرف عام، البلدية متاع القيروان عجزت عن إيجاد حلّ لطرف حشيش.
و تنجمو تلقاو الباقي متاع الموضوع على الرابط التالي
http://kcb.kairouan-tn.net/index.php?option=com_content&view=article&id=5375:2010-08-19-04-07-41&catid=80:jsk&Itemid=156&lang=frو الآن وقع فسخ العقد مع المقاول القديم و جيبان مقاول جديد و ما عاد تفهم شيء في القعباجي هذا الكل : شكون المسؤول على جيبان المقاول القديم؟ و كيفاه وقع فسخ العقد معاه؟ و قداش خذى من عند البلدية؟ و يا ترى كي وقع فسخ العقد معاه، رجعلنا الفلوس و إلا لا (بما أنّه لم يفي بتعهداته)؟ و إلا الخلل من البلدية في عملية الصيانة؟ و شكون المقاول الجديد إلي جبناه في عوضو؟ عملناش طلب عروض قبل ما نجيبوه؟ و إذا كان لا، كيفاه جبناه و بأي طريقة؟ و قدّاه باش ياخذ من عنا هو زادة؟ و هل باش نعاودو نحكيو على حكاية السخانة "المفاجئة" كيما قال أحد المسؤولين البلديين (ضحكتني كلمة "مفاجئة"، تقولش علينا عايشين في السويد و عام كامل و الثلج هابط عنا في القيروان)؟ برشة تساؤلات و برشة غموض.
تي واحلين في طرف "حشيش" يا رسول الله. عام كامل ما لقيناش حلّ. مالا كيفاه البلدية متاعنا باش تنهض بالمدينة الكل. و في عوض نحاولو تفادي الخطأ، ندورو على الناس إلي تشكّات و نحاولو إقصائهم من الجمعية. معناها يلزم ترى العوج و تسكت؟