شارع فاس والنقابة

يقول الإعلام النقابي اليوم ما نصّه:
عقدت النقابة الجهوية للتعليم الثانوي بالقيروان و النقابة الاساسية للتعليم الثانوي بالقيروان الجنوبية جلسة عمل مع الادارة الجهوية للتعليم اليوم 24 اوت 2010 من أجل متابعة ما وقع الاتفاق حوله سابقا بخصوص معهد شارع فاس.. و قد اتسمت مواقف المدير الجهوي للتعليم منذ بداية الجلسة بالتصلب حيث أكد أكثر من مرّة على عدم توزيع اقسام الرياضة (وفقا لطلب الأساتذة و نقابتهم) ، كما تميزت ردوده بالتشنج . وهو ما جعل الطرف النقابي يقاطع الجلسة بالإدارة الجهوية . و قد التحق أعضاء النقابتين بمقر الاتحاد الجهوي حيث عقد اجتماعا استثنائيا ، اتفقت خلاله النقابة الجهوية للتعليم الثانوي و النقابة الأساسية للتعليم الثانوي بالقيروان الجنوبية على إصدار برقية احتجاج و التمسك بالمطالب الشرعية للأساتذة و تحميل الإدارة الجهوية مسؤولية ما قد ينجر عن ذلك.
وأقول ما نصّه:
يبدو أنّ نقابتينا العزيزتين لم تكونا في مستوى المسؤوليّة المُناطة بعهدتهما حيث انحصر تدخلهما مع المدير الجهوي ومساعديه حول نقطة وحيدة وهي أقسام الرياضة وللتذكير فهذه النقطة تمثّل النقطة الرابعة في محضر الجلسة الأول.
أوّلا لم تحاول النقابة معرفة تقدم الأشغال في معهد شارع فاس حيث شكلت مشكلة التجهيزات والبنية الأساسية من تحسين قاعة الأساتذة والمركب الصحي للتلاميذ والساحة وتجهيزات المخابر النقطة الأولى الأساسية مما أجبرني على استقصاء الأمر نيابة عن نقابتنا الموقرة وتبيّن لي أن هناك تقدم ميداني في أشغال قاعة الأساتذة التي تضاعفت مساحتها مع بناء مركب صحي عصري خاص بالزملاء داخلها وأنّها ستكون حاضرة طبقا لسرعة الأشغال يوم 14 سبتمبر، كذلك لاحظت تقدم الأشغال في تهيئة فضاء للمكتبة وللمراجعة في مكان فسيح كان مغلقا سابقا، ولاحظت أيضا بداية أشغال مركب صحي خاص بالتلاميذ وأشغال قاعتين تجهزان في مفتتح السنة الدراسية والشيء المهم الذي عاينته وجود مكتب دراسات يقيّم البناءات داخل المعهد خصوصا الطابق الأول في مدخل المعهد غير المستغلّ حاليا والساحة والفضاءات الأخرى وأول نتيجة لهذا الإختبار هو صرف 18 ألف دينار لإصلاح الثلاث قاعات القديمة الغربية وبعد هذه الدراسة سيكلف مهندس لإنجاز مخطط لتهيئة باقي الفضاءات والساحة وهو أمر مهم للسنة الدراسية القادمة أو وسط الحالية.
ثاني مطالب أساتذة شارع فاس ارتبط بسلوك التلاميذ والتضجّر من سلوك ناظر الدراسات ومشاحناته مع الزملاء وكيده لهم ومشاكله مع المرشد التربوي والمدير السابق ونلاحظ استجابة الإدارة لمطالبنا في هذا الإتجاه حيث وقع تغيير الإطار المسير بنسبة مائة بالمائة بل وإخضاع الناظر إلى تحقيق إداري تم بمقتضاه إعفاءه من مهامه مع إسناده توبيخا.
ثالث مطالب أساتذة شارع فاس هي التجهيزات ولم تعلمنا النقابة أو لم تحاول السؤال عن هذا الموضوع والذي باستقصائي تبيّن حصول معهدنا إضافة إلى مخبر الإعلامية الجديد على مخبر للفيزياء ومخبر للعلوم الطبيعية مع كمبيوتر محمول وآلة عرض مع تجهيزات مختلفة أخرى.
ويبدو من خلال الإعلام النقابي أنّ المسألة أصبحت منحصرة في أقسام الرياضة والأمر فيه عديد الوجوه:
الوجه الأول أن الإدارة الجهوية وافقت على بقاء أقسام الرياضة موزعين على ثلاث معاهد وهو أمر ايجابي وأنّه بانتهاء السنة الدراسية القادمة سيبقى معهدين لقربهما من ملاعب الاختصاص : الجيدو بالمنصورة بمعهديه وألعاب القوى بشارع فاس ومن الطبيعي البحث عن معهد ثالث والحل الموجود والطبيعي هو معهد ابن الجزار لنقص عدد أقسامه عاما بعد عاما ولوجود مبلغ خمسين ألف دينار لتهيئة ملاعب فيه ومن الطبيعي إذا أن تكون السنة الدراسية 2011 ـ 2012 سنة الرياضة في ابن الجزار وهو سيخفف العبء جديا عن شارع فاس ولكن في الاجتماع وقعت معارضة هذه النقطة من قبل أحد النقابيين من أساتذة ابن الجزار وهو أمر غريب جدا ينم عن أنانية مفرطة وعدم شعور بالمسؤولية ومناورة انتخابية حتى لا يتعرض صاحبنا إلى اللوم من قبل زملاءه في ابن الجزار وربما معذور هو في هذه الناحية فقط.
الوجه الثاني ارتباط الشكوى من أقسام الرياضة ليس بعسر برنامجهم بل بسوء سلوك بعضهم ولكن مع تغيير الإدارة ومع الإجراء الجديد القاضي بضبط الغيابات بين ميدان التمارين وقاعة الدرس الذي ضُبط في محضر جلسة بين الإدارتين الجهويتين للتعليم وللرياضة سيقع التحكم في سلوك أبناءنا تلاميذ الرياضة.
كان على نقابتنا الموقرة اثارة مسألة عدالة توجيه التلاميذ بين المعاهد ومنع إرسال ضعافهم من معهد إلى معهد لا التصعيد في مسألة لم يريدوا تحمل مسؤوليتها والخروج من الاجتماع دون طائل.
هذا رأيي وهو رأي حرّ لا يخضع لأيّ طرف وهو ما عُرفت به طيلة حياتي المهنية والاجتماعية وسأدافع عن معهدي دون حسابات انتخابية نقابية أو طمع في منصب ومسؤولية.

سعيا إلى إيجــــــــــــــاد تسوية شاملة و دائمة لمسألة شعبة الرياضة بالجهة ، فالمقترح إتبـــــــــاع التمشي التالــــــــــي :
بالنسبة إلى السنة الدراسية 2010/2011 :
1. الإبقاء على التوزيع الحــــالي لأقسام شعبة الرياضة على المؤسسات التربوية التالية : معهد ابن رشيق و معهد شارع فاس و معهد عقبة ابن نافع و ذلك نظرا لكون الأهرامات تمت المصادقة عليها مركزيا كما أن قانون الإطار بالنسبة إلى كل مؤسسة تم ضبطه هذا بالإضافة إلى أن أولياء تلاميذ شعبة الرياضة وخاصة منهم الجدد على علم بتوزيع منظوريهم على معهدي شارع فاس و عقبة ابن نافع.
2. دعوة إطار الإشراف الإداري و التربوي بالمعاهد المذكورة أعلاه إلى مزيد تأطير تلاميذ شعبة الرياضة و الإحاطة بهم لتجنيبهم إساءة السلوك داخل المؤسسة التربوية و اتخاذ الإجراءات التأديبية المعمول بها مع من تثبت تجاوزاته .
3. التوزيع العادل لأقسام شعبة الرياضة على مختلف أساتذة المادة الواحدة .
بالنسبة إلى السنة الدراسية 2011/2012 :
1. الإبقاء على توزيع أقسام شعبة الرياضة على 03 معاهد و هي على التوالي : معهد شارع فاس و معهد عقبة ابن نافع و معهد ثالث ينتمي إلى القيروان المدينة ، على أن يتم تحديد هذا المعهد قبل ضبط الأهرامات المتوقعة خلال شهر أفريل 2011 وذلك بعد الإتفاق التام بين الطرف الإداري و الطرف النقابي ( الإدارة الجهوية للتربية والنقابة الجهوية للتعليم الثانوي ).
2. العمل علــــــى التوزيـــــــع العادل لأقسام شعبة الرياضة المتضمنة للتلاميذ المنتدبين ( السنة الأولى و السنة الثانية ) بين المعاهد الثلاثة .
3. التوزيع العادل لأقسام شعبة الرياضة على مختلف أساتذة المادة الواحدة .
بالنسبة إلى السنة الدراسية 2012/2013 :
يتواصل العمل بنفس التمشي المتفق عليه خلال السنة الدراسية 2011/2012 .

هذا و يعتبر الطرفان الإداري و النقابي ملزمين بتطبيق هذا الإتفاق بعد أن يتم عرضه على وزارتي الإشراف ( وزارة التربية ووزارة الشباب و الرياضة و التربية البدنية ) و يحظى بالموافقة .

ما ورد في اقتراح الادارة الجهوية للتعليم
الإبقاء على
التوزيع الحــــالي لأقسام شعبة الرياضة على المؤسسات التربوية التالية :
معهد ابن رشيق و معهد شارع فاس و معهد عقبة ابن نافع و ذلك نظرا لكون
الأهرامات تمت المصادقة عليها مركزيا ...
أردّ
فأقول بالفعل الأهرامات تمّت المصادقـة عليها مركزيّـا لكنّ الأهرام الذي أرسل إلى معهد شارع فاس لا يتضمّـن قسم الرياضـة الذي أضافته المندوبية الجهوية للرياضـة إثر المناظرة التي أجرتها.

كما أن قانون الإطار بالنسبة إلى كل مؤسسة تم ضبطه

أردّ فأقـــول :
إضافـة قسـم الرياضة في "الملحق" إلى معهد شارع فاس أو إلى غيره من شأنـه أن يعبث بجداول الأوقـات وبقانون الإطار الخاصّ بمعهـد شارع فاس
فلماذا يتمّ احترام الاهرام وقانون الإطار لبقية المعاهد ويستثنى معهد شارع فاس ؟ الثابت أنّ الأهرام المركزي ليس "مقدّسا" ويمكن تغييره إذا تطلّبت الظروف
لـذا كان بامكان الطّرف الإداري إعادة توزيع أقسام الرياضـة لتخفيف العبء على معهد شارع فاس في هذه السنة الدراسيّـة 2010/2011 لا في السنـة المواليـة
وللرأي العــام أذكّـر بالمعادلــة التاليـة و أترك لكم حريّـة التعليق
معهد شارع فاس : 8 أقسام ريـاضة + نقص في القاعات + اكتظاظ في بعض المستويات
معــهد ابن رشيـق : 2 أقسـام ريـاضـة + أموال طائلة صرفت بالأمس القريب لتأهيل هذا المعهد لتدريس شعب الرياضـة
معــهد عقـبـة ابن نافع : 4 أقسـام ريـاضـة + فضـاء تربوي ملائم( بنية تحتية , قاعات تدريس )ة

السلام عليكم،

عندي مدة نتبّع في موضوع معهد شارع فاس و ب كل صراحة و من غير أدنى سوء نية أو تصفية حسابات، المسؤولية يتحمّلها السيد المدير الجهوي للتعليم بنسبة مليون بالمائة. و كان ترجعوا اتبعو تطوّر الموضوع في الفوروم تفهموا أكثر الحكاية. المسؤول هذا، و هذا رأيي الشخصي، فاقد للمصداقية. و فقدان المصداقية هو أخطر شيء بالنسبة لأي مسؤول على خاطر الثقة باش تنعدم تمام بينو و بين المحيط متاعو. و فما برشة أدلة على الشيء هذا

أولا : موضوع معهد فاس وقع طرحه منذ السنة الدراسية 2008/2009 و لكن لا حياة لمن تنادي. ما فما كان التسويف و الوعود و الصحيح ربي يجيبو. يلزم الناس تفهم إلي مشكلة غياب المساواة هاذي موجودة عندها سنوات...معناها المدير الجهوي في بالو بالحكاية من وقت إلي تم تعيينه و لكن في عوض يصلّحها كمّل هلكها...و الدليل هو أنّ العملية تكرّرت السنة هاذي مرة أخرى و كيف العادة السيد المندوب "يوعد" بإيجاد حلول ابتداء من السنة المقبلة...و في السنة المقبلة، كان حيانا ربي، باش يقوللكم : "تي لا موش السنة هاذي، ماني قلتلكم السنة المقبلة"...و ديما قيّد على السنة المقبلة

ثانيا : المسؤول هذا يطبّق في سياسة "فرّق..تسد". قول كيفاه؟ ساهل برشة : توّة المشكل هاذي متاع أقسام الرياضة شكون إلي خلقها؟ ماهي المندوبية؟ ياخي هوما شاورو النقابة كيف عملو الأقسام هاذي؟ و توّة كيف باشي يلقاو حلول للفضيحة متاعهم ولّاو "يتشاورو" مع الطرف النقابي لإيجاد حلول و يرميو في الكرة للنقابة و للأساتذة باش يطيّحوهم في بعضهم...و لكن "دوّيو". اللعبة هاذي ولات "قدييييييييمة" برشة و حتى واحد "غشّير" ماعادش تجدّ عليه. يا سي المسؤول راهو إلي يتسبّب في المشكلة ما عليه كان يحلّها هو. مالا علاش حاطّينك مسؤول و تاخذ في الشهرية؟ ماو باش تلقى الحلول للمشاكل إلي إنتي متسبّب فيها. معناها كان نتبّعو الطريقة متاعك في التسيير، إنجمو نقولو إلي إنتي عملت ابتكار هايل برشة ماسبقك فيه حتى واحد : إنتي أول مسؤول ياخذ في الشهرية باش يعمل المشاكل موش باش يحلّها.

ثالثا : و مواصلة لضرب راس براس، المسؤول هذا يحبّ يظهّر أن الحكاية متاع التقسيم غير العادل بين المعاهد جاية من مسؤولي المعاهد أنفسهم و هو خاطيه (كيما صار مع مطلب نقلة بعض التلامذة من ابن رشيق إلى نهج فاس). معناها مديرة معهد ابن رشيق قررت من تلقاء نفسهاباش تاخذ قرار كيف هذا؟ تي هاي صلاحياتها أقوى من الوزير بيدو!!!و فرضا الشيء هذا صحيح. ماو المندوب يقول : لا، مانيش موافق. مالا باش مسؤول؟

رابعا : هاك النهار الأساتذة متاع شارع فاس عملو وقفة احتجاجية متاع ربع ساعة...ياخي جاهم السيد المندوب و استمع لهم و "أبدى تفهّمه" و "وعد" (كيف العادة) بإيجاد حلول. و هذا ما كان، حيث "نقب" نهار للأساتذة هذوما دليلا على شدّة تفهّمه (في حين أن الإضراب حق يكفله الدستور...فما بالك بوقفة احتجاجية متاع 15 دقيقة!!!). ريتو المصداقية و إلا لوّح!!!

و توّة بربي كيف تقلي النقابة متاع ابن رشيق و متاع ابن الجزار أجهضوا الاتفاق، نقعد مستغرب!!! تي شكون عمل المشكل من أصلو؟؟ موش المندوب؟؟ ياخي شاور النقابة كيف عمل التقسيم متاعو و إلا كيف حوّل التلامذة الراسبين من ابن رشيق إلي معهد فاس؟؟ تي جاوبني يا عادل!!!

هيا تحبّ الحكاية بالمكشوف و بالفلاقي؟ المندوب هذا يحبّ يدخّل النقابة في العجّة بعد ما كلات بعضها و شكشكها على خاطر يعرف و متيقّن إلي ما فما حتى معهد يقبل أقسام الرياضة هاذي و الأساتذة الكل معارضتها...و لذا يقلّك برّة خليني نحطّ النقابة في الواجهة و تاكل بعضها بينهم و بين الأساتذة و نخرج أنا نظيف في الحكاية....بالضبط كيما عمل مع مديرة معهد ابن رشيق و خرجها كأنّها هي السبب في نقلة التلامذة الراسبين إلى معهد فاس و هو خاطيه.

يا سيدي، علاش نطوّلو فيها و هي قصيرة؟ هو كيف عمل التقسيم متاعو، موش عملو من راسو من غير ما يشاور النقابة؟ يا خويا يتحمّل مسؤوليته...موش النقابة يجي يحطّها في مواجهة مع الأساتذة وقت الشدة، و وقت الرخاء يحكم بأحكامو وحدو

اعتقد أنّه عليك مراجعة ما كتبت وسوف تجد أنك كتبت كلاما جارحا في حق من يعمل ومدحت من يناور ومن يكمبن وانا أدرك ما اقول ويشهادة اصدقائي النقابيين الصادقين ولا المناورين وأضيف أني بحديثي عن الإتحاد فإني أتكلم عنه من الداخل باعتباري منخرطا ومناضلا ورافضا لعديد الأشياء التي تقع حتى على مستوى المركزية كما يقع الآن من طبخ لتغيير القانون الأساسي حتى يصبح على مقاس بعض الاشخاص

بربي سمّيهملنا النقابيين الصادقين هذوما..مادام صادقين معناها مايتحرّجوش كان باش تذكر أساميهم. و بالنسبة للتجاوزات راهي موجودة في كل بقعة : في الحزب الحاكم (و إنتي كنت أول واحد حكيت عليهم في الانتخابات البلدية) و في أحزاب المعارضة و في النقابات و في منظمة الأعراف...موش معناها نزكّي في التجاوزات و لكن موش من العدل باش تحصرها في جهة واحدة.

أما بالنسبة للمركزية النقابية (و أنا مستغرب شنوة مدخّلها في حديثنا هذا...و لكن في قرارة نفسي نعرف، و إنتي تعرف، علاه جبدتها) نقلّك إلي تغيير القانون الأساسي يصير بالتصويت. و ووقت التصويت إلي هو يصير بطريقة علنية و موش سرية، تظهر الرّجال إلي بالحق داخلة للاتحاد باش تدافع على الخدامة و على المستضعفين و يظهرو "الأخرين" إلي داخلينها على طمع.

و بالنسبة للكلام إلي قلتو مافيه حتى شيء جارح و لكن موش من المعقول باش الواحد يشوف العوج و يسكت : المسؤول هذا (إلي راهو موش باش يقعد إلى الأبد في القيروان و يجيه نهار و يقصد ربي) هو إلي غلط و الغلط راكبو من ساسو لراسو و ما عليه كان يتحمّل المسؤولية كاملة للأخطاء متاعو.. و النقابة (إلي هي، على عكس المسؤول هذا، قاعدة و راسخة في البلاد) موش شمّاعة باش يعلّق عليها أغلاطه. و من هنا فصاعدا كيف يحبّ يستشير الناس يستشيرهم من الأول و إلا سيّب عليه!!!

و بالمناسبة، حتى العبد لله منخرط في النقابة بالرغم مانيش مناضل على خاطر كلمة مناضل قوية برشة و يلزمها برشة تضحيات و برشة صبر على الإغرآات و التهديدات و...و...و

لا أوافقك في الراي في أن موضوع معهد شارع فاس أخذ حيزا كبيرا وحتى وإن أخذ فلأنه يستحق ذلك أما أن نكتب على معاهد أخرى فالسادة الاساتذة قادرون أن يكتبوا عن معاهدهم كما فعلنا نحن اساتذة المعهد ( وأنا أكتب هنا بصفتي مدرسا في هذه المؤسسة مطلعا عما يجري) فلست وصيا على المعاهد الأخرى والمجال مفتوح للكتابة عن معهد شارع فاس مادام هناك أمور تستحق الكتابة ولا أدري لماذا أثار لديك هذا حساسية أما بالنسبة لوادجا فذكري للمركزية النقابية النقاش الذي يدور فيها ما هو إلا للتدليل أنّ هناك تيارات انتخابية تدافع عن مصالحها الإنتخابية وتركن جانبا مصالح منخرطيها كما في الأحزاب والجمعيات ولهذا قلت تحركنا في معهدنا لمّا أحسسنا أننا كالأيتام في مأدبة اللئام ونلنا حقوقنا وما زلت مصرا على أنّك تنتقد من لا يصح الإنتقاد بل وتصرّ أن الغلط متلبسه والواقع يفند ذلك لأن المخطئ متلفع برداء آخر ظاهره حرير وباطنه صديد

اتصلت اليوم بالإعلام النقابي الصادر عن نقابتنا الاساسية عن طريق الأخ عبد الرزاق الشامخي عضو النقابة وهذا نصّه