نهى الرابحي (رياضيات) 19.15 الاولى على القيروان

العمل طيلة المشوار الدراسي سر
النجاح...الدروس الخصوصية ليست الأساس

تحصلت التلميذة نهى بن محمد صالح الرابحي المرسمة بالمعهد النموذجي بالقيروان بشعبة الرياضيات على أحسن معدل بولاية القيروان وهو19.15 وهي مرشحة لان تكون من بين أحسن المعدلات على مستوى الجمهورية

ونهى الرابحي من مواليد 06 سبتمبر 1991. وقد اكدت ان اختبار الرياضيات كان صعبا وحال دون حلمها في الحصول على 20

وعن تميزها تؤكد نهى أنه ثمرة جهود متواصلة طيلة المشوار الدراسي والاستعداد على طيلة عام الباك. كما اكدت ان الظروف العائلية كانت مشجعة ومواتية من الدعم النفسي الى التشجيع المتواصل إضافة الى الدراسة في
المعهد النموذجي

نهى ابنة الاستاذة فتحية الشويحي الرابحي تؤكد ان والدتها هي سندها المعنوي والمادي لكونها أستاذة علوم ودعم والدها محمد صالح الرابحي اضافة الى استاذها لطفي الشويحي وهو خالها في نفس الوقت

عن الدروس الخصوصية تؤكد نهى انها ليست أساس النجاح وفيها مضيعة للوقت

هواياتها المطالعة والشعر والمسرح والانترنيت اما عن دليل التوجيه فهي لم تطالعه بعد لكن طموحها ان تدرس في الخارج ان لم تجد ما ترغب فيه في تونس وهي تخير بين الطب والدراسات التجارية مجال عمل والدها

ماشاء الله على فتاة القيروان

السلام عيلكم،

و أخيرا معدل فوق ال19 من ولاية القيروان. يعطيها الصحة نهى الرابحي إلي رفعت رؤوس القراوة بالمعدل متاعها. إن شاء الله ربي يباركلها هي و والديها و أساتذتها الكل و يجازيهم كل خير . و الله ما تتصوّروش قداش فرحت البارح كيف سمعت الخبر في الراديو. توّة عندي سنين وين نسمع أحسن معدلات في الجمهورية ما يحكيوش على القيروان. مستانس ما نسمع كان بمعاهد تونس و صفاقس و المنستير و سوسة، و كان حكاو على القيروان راهو باش يقولولنا إلي هي في أسفل الترتيب.

حسب رأيي التحسن الملحوظ هذا، ثمرة من ثمرات المعهد النموذجي. و نتصور إذا كان يقع تدعيمه بمركب جامعي حقيقي (موش كيما إلي عنا) فيه على الأقل كلية علوم و معهد للدراسات الهندسية و معهد للدراسات التجارية، بإذن الله، ي كون هذا سبب رئيسي باش القيروان ترجع تاقف على ساقيها. و هنا الكرة في ملعب نوابنا و مسؤولينا الجهويين باش يضغطوا، على الأقل للبدء في إنجاز المركب الجامعي المقرر إحداثه في القيروان منذ مدة، و لكن في كل مرة ما نلقاو حتى شيء. في سوسة، كل عام يزيدوهم مؤسسة جامعية جديدة (بالفم و الملا) في بنايات ضخمة و عصرية كيما مدرسة المهندسين في طريق سهلول، و إحنا النافع ربي. تقول علينا ماناش تابعين الجمهورية التونسية. و إلا بالكشي في القيروان ما نخلصوش الضرائب كيما المواطنين الأخرين في تونس العاصمة و سوسة و المنستير و صفاقس؟ و إلا بالكشي صغارنا ماعندهمشي الحق باش يعملو دراسات جامعية في بلادهم من غير ما يتمرمدوا في الكراوات و وسائل النقل، كيما أندادهم في ولايات مجاورة.

يا نوابنا و يا مسؤولينا فيقولنا بربّي. تي هاكم شفتو كيفاه بمعهد نموذجي بركة، كيفاه النتائج تحسنت. مالا كان جا عنا قطب جامعي عصري، شنوة كانت تعمل القيروان وقتها؟

الحاصل، مرة أخرى نهني بنتنا نهى الرابحي و نشكرها إلي شرفت القيروان و القراوة الكل. و إن شاء الله تكون هاذي بداية لانطلاقة جديدة لولايتنا في المجال التعليمي

مبروك يا نهى؛ والعاقبة للدكتوراه.

بالنسبة لأحسن المعدلات في شعبة العلوم التجريبية كانت 18.87 بالتساوي بين رحاب بن فرج وبشعبة الرياضيات تحصلت مروى الرمضاني على 17.87

الف الف مبروك لهذه الفتاة المتالقة
ما شاء الله
و هذا ليس بالغريب على ابناء و بنات القيروان
اتمنى لها المزيد من التميز و النجاح
و مسيرة زاخرة ان شاء الله
يا نهى