Morelle jaune

أمس 22 أكتوبر 2009 بمدينة القيروان التأم يوم دراسي ثاني حول نبتة الشويكة الصفراء بحضور باحثين وفنننين وفلاحي بعض المناطق المتضررة من البلاد التونسية من هذه النبتة الغازية وقد تم تدارس الوضعية الحالية حالة بحالة ووضع استراتيجية جهوية ووطنية لمجابهة استفحال انتشارها والحد من أضرارها
مع العلم أن أول ظهورلهده النبتة انطلق من جهة القيروان وبالتحديد بجهة السبيخة
وقد اتفق الجميع على متابعة الموضوع واعطائه الأهمية القصوي ومزيد تحسيس جميع الأطراف من ادارة وسلط وهياكل مهنية من خطورة هذه العشب الضار
ولمزيد من المعطيات يرجى الأتصال بخلية الإرشاد الفلاحي بالمعتمدية أو بالمندوبية الجهوية للتنمية الفلاحية بمركز الولاية

شكرا سي عمارة على المعلومة لكني نطلب منك بكل لطف كان اتنجّم اتحطّلنا تصويرة هذه النبتة باش نعرفوها
وزيد اتحطلنا شويا معلومات على ظروف وجودها ... علاش ظهرت في السبيخة بالضبط؟؟؟ وشنيا طرق انتشارها... وعلاش ما وقعش التفطّن ليها قبيل الإنتشار؟؟؟
وكيفاش نتفاداو ظهورها في مرة أخري هذا بعد ماتقوللنا كيفاش انداويوها
وشكرا
قبل مانكمّل نتمنى تحكيلنا بالعربي الساهل وماتدخّلناش في هاك الكلام الصعيب متاع التقنيين والفنيين

سامحني سي عمارة هاني مشيت لموضوع الفلاحة ولقيتك حاطت برشا معلومات لكن ميسالش في الإعادة إفادة
ما كنتش لاهية بالفلاحة توا رجعتلها على خاطرني قاعدة انلوّج على نبتات الزينة إلى اتدوم باش انزيّن شويا المنشر والبركون متاع الدار